Ni Bawang teken Ni Kesuna

Ada kone tuturan satua anak makurenan , ngelah panak luh-luh duang diri. Panakne ane kelihan madan Ni Bawang, ane cenikan madan Ni Kesuna. Kedua pianakne matungkasan pesan, Ni Bawang anakne jemet, dueg nulungin rerama. Melenan pesan ngajak nyamane Ni Kesuna. Ni Kesuna anak bobog, males megae , tur demen ngae pisuna.
Kacrita memene ngugu munyin Ni Kesuna ane ngorahang Ni Bawang ngumbang ditukade ngenemin anak truna , nanging sujatine Ni Bawang suud nglesung padi sambilanga ngalih yeh.
Ditu lantas Ni Bawang tigtiga, siame aji yeh anget tur tundena megedi. Lantas Ni Bawang ngeling sigsigan. Neked ditukade Ni Bawang Katemu ajak I Kedis Crukcuk Kuning. Ditu Lantas Ni Bawang gotola, baange emas-emasan marupa subeng, kalung, bungkung lan gelang
Kacitra jani , Ni Kesuna nepukin Ni Bawang mapanganggo melah, laut ia metakon uli dija maan penganggo buka keto. Disubane orahina, ditu lantas Ni Kesuna ngorahin memene nigtig ia suud keto lantas Ni Kesuna ngeling tur luas katukade ngalih I Kedis Crukcuk Kuning. Lantas Ni Kesuna gotola teken Crukcuk Kuning, Isinina gumatat – gumatit. Neked jumah gumatat gumatite ento ane mencanen Ni Kesuna kanti ngemasin mati.

sumber gambar : www.deviantart.com/saphirad/art/Bawang-and-Kesuna-A-Balinese-Folklore